धरान ५ मा मृत फेला परेका युवाको परिचय खुलेको छ । मृतक युवा धरान ११ विष्णु चोकका ३१ वर्षीय सन्दीप लम्जेल रहेको इलाका प्रहरी कार्यालय धरानले जनाएको छ ।
कार्यालयका अनुसार सुकुम्वासी क्षेत्रमा घर भएका सन्दीप पाँच दिदी बहिनीका एक्ला माइती हुन् । दिदी बहिनीको विवाह भैसकेको छ भने उनको भने विवाह भएको नखुलेको कार्यालयले जनाएको छ । इलाका प्रहरी कार्यालय धरान डिएसपी बुद्ध श्रेष्ठले भने " मृतकको नाम र ठेगाना खुलेको छ । घटनाको बारेमा भने अनुसन्धान गरिरहेका छौँ । अहिले केही खुलिसकेको छैन । "
आज बिहान करिब साढे ५ बजे तल्लो देउरालीको सुन्दर बस्ती नजिकै सेउती खोलाको किनारामा ती युवाको शव फेला परेको थियो । मृतक युवाको शरीरमा विभिन्न भागमा धारिलो हतियार प्रहार गरी हत्या गरी फालिएको अवस्थामा शव फेला परेको हो ।
उनको टाउको, गर्धन, ढाडमा धारिलो हतियारले काटेको तथा घोचेको चोट रहेको छ भने अनुहारमा समेत चोटपटक देखिएको छ । मृतकको तत्काल पहिचान नखुलेपछि इलाका प्रहरी कार्यालय धरानले तस्बिर सार्वजनिक गर्दै पहिचानमा सहयोग गर्न आग्रह पनि गरेको थियो ।
शव फेला परेको स्थानबाट ६ किलोमिटर दक्षिणसम्म केनाइन शाखा धरानको ट्याकर डग ९लैला ०ले ट्याक गरे फर्किएको थियो ।
