धरान ५ स्थित तल्लो देउरालीको सुन्दर बस्तीमा मृत फेला परेका युवाको शरीरका विभिन्न भागमा चोटपट देखिएको इलाका प्रहरी कार्यालय धरानले जनाएको छ । कार्यालयका अनुसार पहिचान खुल्न नसकेका ती युवाको गर्धनको भागमा धारिलो हतियारले काटिएको, टाउको तथा ढाँडमा समेत धारिलो हतियारले काटेको, घोचेर चोट देखिएको छ ।
बिहान करिब साढे ५ बजे बस्ती नजिकै सेउती खोलामा स्थानिले शव देखेपछि प्रहरीलाई खबर गरेका थिए । घटनाको जानकारी पाए लगत्तै घटनास्थल पुगेको प्रहरी टोलीले शवको मुचुल्का गरी बीपी कोइराला स्वास्थ्य विज्ञान प्रतिष्ठानको शव गृहमा शव राखिएको जनाएको छ ।
फेला परेको अन्दाजी ३०/३५ वर्षको अर्यन समुदायका जस्ता देखिने मृतक पुरुषको तस्बिर सार्वजनिक गर्दै पहिचान गर्न सहयोग गर्न अनुरोध गरेको छ ।
