सुनसरीको कोशी गाउँपालिका २ स्थितबाट प्रहरीले कटुवा पेस्तोल र लागुऔषध सहित १ जनालाई पक्राउ गरेको छ ।
पक्राउ पर्नेमा इटहरी उप-महानगरपालिका ३ सुनसरी घर बताउने १९ बर्षीय रोहित राई रहेका जिल्ला प्रहरी कार्यालय सुनसरीले जनाएकाे छ ।
कार्यालयका अनुसार गोप्य सुचनाका आधारमा इलाका प्रहरी कार्यालय लौकहीबाट खटिएको प्रहरी टोलीले हिजो बिहान कोशी गाउँपालिका २ स्थितबाट राईलाई कटुवा पेस्तोल १ थान, गोलीको खोका १ थान, लागुऔषध डाईजापाम १० एम्पुल, नाईट्रोजन १० ट्यावलेट, लिजेसिक ३ एम्पुल, ट्रामाडोल ३३७५ पिससहित पक्राउ गरेको हो ।
कटुवा पेस्तोल र लागुऔषध सहित पक्राउ परेका उनको थप अनुसन्धान भईरहेको कार्यालयले जनाएकाे छ ।
