ओखलढुङ्गामा १२ वर्षीया बालिकामाथि सामूहिक बलात्कार गरेको आरोपमा ३ जनालाई प्रहरीले पक्राउ गरेको छ ।
पक्राउ पर्नेहरूमा सिद्धिचरण नगरपालिका–३ बस्ने ३२ वर्षीय केवल भुजेल, ३१ वर्षीय डम्बर भुजेल र सोही नगरपालिका–२ बस्ने ४० वर्षीय पुर्ण प्रसाद फुयाँल रहेका जिल्ला प्रहरी कार्यालय ओखलढुङ्गाले जनाएको छ।
प्रहरीका अनुसार बालिकालाई ललाई फकाई विभिन्न प्रलोभनमा पारी र डर धाक धम्की देखाई गत वैशाख २७ गते उनीहरूले सोही नगरपालिका–११ मा बलात्कार गरेको आरोपमा उनीहरूलाई सोमबार साँझ प्रहरीले पक्राउ गरेको हो ।
घटनाका सम्बन्धमा प्रहरीले थप अनुसन्धान गरिरहेको छ ।
