भोजपुर । भोजपुुरको रामप्रसादराई गाउँपालिका वडा नं. ४ दलगाउँका तेजबहादुर भुजेललाई धारिलो हतियार प्रहार गर्ने समूहलाई प्रहरीले पक्राउ गरेको छ ७८ वर्षीय वृद्ध भुुजेललाई धारिलो हतियार प्रहार गरी गम्भीर घाइते बनाई फरार रहेको समूहलाई प्रहरीले पक्राउ गरेको हो ।
पक्राउ पर्नेमा रामप्रसादराई गाउँपालिका–२ बाखोराका ४२ वर्षीया राजेन्द्र भुजेल, सोही वडा धोद्लेखानीका ३२ वर्षीया देउराज राई, वडा नं. ४ दलगाउँका २४ वर्षीया पूर्णकुमार राई र सोही ठाउँका २२ वर्षीय सरोज कटुवाल रहेका छन् ।
उनीहरूले गत जेठ २५ गते राति १० बजे भुजेललाई खुकुरी प्रहार गरी गम्भीर घाइते बनाएको जिल्ला प्रहरी कार्यालय भोजपुरका प्रहरी निरीक्षक नितेशकुमार सिंहले बताए ।
प्रहरी निरीक्षक सिंहका अनुसार उक्त समूहले भुजेलको घरमै गएर धारिलो हतियार प्रहार गरी घाइते बनाएका हुुन् । पक्राउ परेका चारै जनालाई जिल्ला अदालत भोजपुरबाट पाँच दिनको म्याद थप गरी अनुसन्धान भइरहेको भोजपुुर प्रहरीले जनाएको छ ।
