विराटनगर । मोरङको जहदा गाउँपालिका–२ बडकी बैरियास्थित पत्नी हत्या आरोपमा पति पक्राउ परेका छन् ।
प्रहरीले जहदा २ का ४३ वर्षीय दिनेशकुमार राजभरले ३५ वर्षीय गीतदेवीको हत्या गरेको आरोपमा बुधबार पक्राउ परेका हुन् । पत्नी हत्या गरेको पाँच दिनपछि प्रहरीले दिनेशलाई पक्राउ गरेको छ । जेठ ६ गते राति ९ बजे धारिलो हतियारले आक्रमण गरेको मोरङ प्रहरी प्रवक्ता डिएसपी दीपक श्रेष्ठले जानकारी दिए ।
पत्नीको हत्या गरी दिनेश फरार भएका थिए । लुकिरहेको अवस्थामा विराटनगरदेखि पक्राउ गरिएको डिएसपी श्रेष्ठले जानकारी दिए । सुतेकी पत्नीलाई मुङ्रो र रड प्रहरी गरी हत्या गरेको खुलेको छ । मोरङ प्रहरीले उनीमाथि कर्तव्य ज्यान मुद्दामा म्याद थप गरी अनुसन्धान अगाडि बढाएको छ ।
