बितामोड । तास खेलीरहेको अवस्थामा झापाको बिर्तामोडबाट प्रहरीले ५ जनालाई पक्राउ गरेको छ । प्रहरीले उनीहरुको साथबाट १ लाख ७४ हजार रुपैंयाँ बरामद गरेको जनाएको छ ।
बिर्तामोड–५ का डालकुमार राईको घरमा तास खेलिरहेको भन्ने सुचना पाएको प्रहरीले छापा मार्दा घरधनी सहित उनीहरु पक्राउ परेका हुन् । इलाका प्रहरी कार्यालय अनारमनीबाट गएको प्रहरीको टोलीले इलामको सुर्याेदय नगरपालिका–१० का दिलकुमार श्रेष्ठ, बिर्तामोड नगरपालिका–५ का सञ्जीप घतानी, सोही ठाउँका ससुहाङ चेम्जोङ, र मेचीनगर नगरपालिका–२ का भूपु राई र घरधनी डालकुमार राईलाई पक्राउ गरेको जनाएको छ ।
उनीह्रुको साथबाट १ लाख ७४ हजार ७३५ रुपैंया नगद, १५ थान कौडा र तीनबुक तास बरामद गरेको झापाका प्रहरी प्रवक्ता बसन्त पाठकले जानकारी दिए । पक्राउ परेका ५ जनालाई नै इलाका प्रहरी कार्यालय अनारमनीमा राखेर अनुसंधान गरिरहेको प्रहरीले जनाएको छ ।
