धरान/ नेपाल आइडलबाट चर्चामा आएका गायक निशान भट्टराईले विवाह गरेका छन् ।
प्रेमिका ऋचा न्यौपानेसँग गत मङ्गलबार काभ्रे जिल्ला अदालत धुलिखेलमा उनले कानूनी विवाह गरेका हुन् । विवाहपछि सामाजिक सञ्जालमार्फत् उनले नवजोडीको तस्बिर सार्वजनिक गरेका छन् । मोरङ उर्लाबारीका निशान र धुलिखेल निवासी ऋचा केही समयदेखि प्रेम सम्बन्धमा थिए ।
निशान नेपाल आइडल पहिलो सिजनका फस्ट रनर अप हुन् भने ऋचा मिस काभ्रे २०१८ की सेकेण्ड रनर अप हुन् । उनले निशानको स्वर रहेको ‘लाउर जाने रेल’ मा मोडलिङ समेत गरेकी छन् ।
‘के माया लाग्छ र’ बोलको गीत गाएपछि पछिल्लो समय चर्चामा छाएका निशानले कोरोना महामारीका कारण कानूनी विवाह गरेको बताएका छन् ।
