धरान/ पेरिस फेसन विकमा यसपटक बलिउड नायिका दीपिका पादुकोण सहभागी नभएको बताएकी छन् ।
गतवर्ष सहभागी बनेकी नायिका पादुकोण यसवर्ष विश्वभर फैलिइरहेको कोरोनाभाइरसका कारण भाग नलिएको बताएकी हुन् । लक्जरी फेसन ब्राण्ड ‘लुई वितों’ ले उनलाई निमन्त्रणा गरेको थियो ।
कार्यक्रम फेब्रुअरी २४ देखि शुरु भएर मार्च ३ सम्म सञ्चालन भएको थियो । कोरोनाभाइरसका कारण आफूले कार्यक्रम रद्द गर्नुपरेको बताएकी छन् । उनी अब चाँडै नै नयाँ फिल्ममा देखिन लागेकी छन् ।
नयाँ फिल्म ‘८३’ मा देखिन लागेकी हुन् । उनी कपिल देवकी श्रीमती रोमी देवको भूमिकामा देखिन लागेकी छन् । त्यसो त उनी हलिउडको हिट कमेडी फिल्म ‘द इन्टर्न’ को आधिकारिक हिन्दी रिमेकमा समेत काम गर्ने तयारी गरिरहेकी छन् ।
