पथरीशनिश्चरे । मोरङको पथरीशनिश्चरेमा दोस्रो मिस पथरीशनिश्चरे हुने भएको छ ।
बुद्ध युथ क्लबको आयोजनामा फागुन २५ गतेदेखि बन्द प्रशिक्षणका लागि आवेदन खुल्ला गरिएको पत्रकार सम्मेलनमा जानकारी गराएको छ । बैशाख २ गते फाइनल हुने प्रतियोगितामा सहभागीको फागुन २५ बाट बन्द प्रशिक्षण गरिने आयोजक समितिका सन्तोष राईले जनाए ।
प्रतियोगिताको विजेताले १ लाख, फस्ट रनरअपले ६० हजार र सेकेन्ड रनरअपले ३५ हजार रुपैंया पुरस्कार पाउने छ्न । विधागत रूपमा मिस वेस्ट स्माइल, वेस्ट वाक, मिस फ्रेन्डसिप, मिस मल्टिमिडिया, भ्युवर्स च्वाइस लगायतकालाई पुरस्कृत गरिने आयोजकले जनाएको छ ।
प्रथम संस्करणको विजेता रिजु भट्टराईले मिस प्रदेश १ को उपाधि पनि जितेकी छन् ।
