सप्तरी  । सप्तरीको महादेवा गाउँपालिका वडा नम्बर दुईको मतदान केन्द्रमा अहिलेसम्म मत हाल्न एक जना मतदाता पनि गएका छैनन् । सिके राउतको गाउँमा रहेको मतदान केन्द्रमा अहिलेसम्म एक जना पनि मतदाता मतदान गर्न नगएका हुन् । सिके राउतले केहीदिन अघि चुनावमा सहभागी नहुन भनेपछि उहाँकाे गाउँका कोही पनि मतदान गर्न नगएको सप्तरीका प्रमुख जिल्ला अधिकारी भगिरथ पाण्डेले जानकारी दिनुभयो । यो केन्द्रमा २८३ जना मतदाता छन् ।