धरान । मधेश प्रदेशको सिरहा जिल्लाबाट पेस्तोलसहित दुई युवालाई प्रहरीले पक्राउ गरेको छ ।
चुनावको मुखैमा पेस्तोलसहित युवा पक्राउ परेपछि सुरक्षा चुनौती देखिएको छ । विशेष सूचनाका आधारमा सुरक्षा बेसक्याम्प मिर्चैयाका टोलीले पेस्तोलसहित उनीहरूलाई पक्राउ गरेको हो ।
पक्राउ पर्नेमा नवराजपुर गाउँपालिका–५ का २९ वर्षीय प्रेम शर्मा र सोही गाउँपालिका–३ का २७ वर्षीय आनन्दकुमार राम रहेका छन् ।उनीहरूलाई मिर्चैया नगरपालिका—६ बाट पक्राउ गरिएको जिल्ला प्रहरी कार्यालय सिरहाले जनाएको छ ।
मिर्चैया–कटारी सडक–खण्डमा नम्बर मेटिएको होन्डा कम्पनीको मोटरसाइकलमा सवार रहेको अवस्थामा चेकजाँच गर्दा पेस्तोल बरामद भएको सशस्त्र प्रहरीको भनाइ छ । उनीहरूलाई आवश्यक कारबाहीका लागि इलाका प्रहरी कार्यालय मिर्चैयामा बुझाइएको छ ।
