विराटनगर । मोरङको भाथीगछबाट प्रहरीले माटोमुनी गाढेको लागूऔषध गाँजा बरामद गरेको छ । लुकाएर राखेको अवस्थामा जहदा गाउँपालिका–३ भाथीगछस्थित बाँस झ्याङमा शुक्रबार विहान इलका प्रहरी कार्यालय रानी विराटनगरले १५ किलो गाँजा बरामद गरेको हो ।
बाँस झ्याङमा लुकाएर राखेको गाँजा बिहान ५ः३० बजेतिर बरामद भएको प्रहरीले जनाएको छ । गाँजा लुकाउने व्यक्तिको पहिचान हुन सकिरहेको छैन । यद्यपि सुरक्षाकर्मीलाई छल्दै नेपालबाट भारततिर अवैध तरिकाले लैजानका लागि बाँस झ्याङमा लुकाएर राखेको हुनसक्ने प्रहरीको अनुमान छ ।
मोरङ प्रहरीका प्रवक्ता डीएसपी दीपक श्रेष्ठले गाँजा लुकाउने व्यक्तिको खोजी तीव्र पारेर पहिचानको प्रयास भइरहेको बताए । नियन्त्रणमा लिएको गाँजा इलाका प्रहरी कार्यालय रानीमा ल्याएर थप अनुसन्धान अघि बढाइएको उनको भनाइ छ ।
