बिर्तामोड । झापा प्रहरीले बुधबार बिहान शिवसतासी नगरपालिका –१ धरमपुरबाट अवैध रुपमा लुकाई छिपाई राखेको सखुवा जातको चिरान काठ बरामद गरेको छ ।
इलाका प्रहरी कार्यालय झिलझिलेबाट खटिएको प्रहरी टोलीले शिवसतासी –१ धरमपुर बस्ने खगेन्द्र प्रसाद दाहालको घरबाट सखुवा जातको ७२.६३ क्यु फुट चिरान काठ बरामद गरेको हो ।काठ सहित पक्राउ परेका दाहाललाई भने आवश्यक कारवाहीको लागि डिभिजन बन कार्यालय चन्द्रगढी झापा पठाइएको जिल्ला प्रहरी कार्यालय झापाका प्रहरी प्रवक्ता बसन्त पाठकले जानकारी दिएका छन् ।
