भोजपुर । भोजपुरको हतुवागढी गाउँपालिकाका ७ पात्लेपानीका मनोज राईको आफनै साथीहरुको कुटपीटबाट मृत्यु भएको छ । काठमाडौकोे महांकालमा बस्दै आएका २६ बर्षिय राईको साथीहरुको कुटपीटबाट गयराती मृत्यु भएकोे हो । आफनै कोठामा साथीहरुसग रक्सी खाएर भएको झगडामा राई गम्भीर घाईते भएका थिए ।
राईको चावहिल स्थित हेल्पिङ्ग हेल्प हस्पिटलमा उपचारका क्रममा मृत्यु भएको बताईएको छ । घटना पछि ३ जना गौरीघाटबाट राती ११ बजे पक्राउ परेका छन । पक्राउ पर्नेमा हतुवागढी गाउँपालिका ९ हसनपुर घर भई हाल काठमाडौंको महांकाल बस्ने १९ वर्षीय बिमल राई, १८ वर्षीय जितेन राई र १९ वर्षीय सन्जय राई रहेको छन् । मृतक राई फल्स सिलिङ्ग मिस्त्री काम गर्ने मजदुर हुन । घटना बारे थप अनुसन्धान भैरहेको प्रहरीले जनाएको छ ।
