झापाको मेचीनगर नगरपालिका ६ स्थितबाट प्रतिबन्धित लागुऔषध ब्राउनसुगरसहित १ जनालाई प्रहरीले पक्राउ गरेको छ ।
पक्राउ पर्नेमा इलाम चुलाचुली गाउँपालिका ४ का ३३ बर्षीय सत्य नारायण याखा रहेकाे इलाका प्रहरी कार्यालय काँकरभिट्टाले जनाएकाे छ । कार्यालयका अनुसार हिजो बेलुका इलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले चेक जाँचको क्रममा याखालाई १ ग्राम ८०० मिलिग्राम ब्राउन सुगरसहित प्रहरीकाे टाेलीले पक्राउ गरेको हो ।
प्रतिबन्धित लागुऔषध सहित पक्राउ परेका याखाकाे सम्बन्धमा थप अनुसन्धान भईरहेको उक्त कार्यालयले जनाएकाे छ ।
