बिर्तामोड । झापाको धुलाबारी बजारमा सुनको सिक्री लुट्ने एक जना पक्राउ परेका छन् ।
पक्राउ पर्नेमा बारा जितपुर नगरपालिका– ९ निवासी निरज राय रहेको जिल्ला प्रहरी कार्यालय झापाका डिएसपी वसन्त पाठकले जानकारी दिए । रायले मेचीनगर–१० स्थित धुलाबारी बजारमा सोही स्थानकी गीता अधिकारीको शुक्रबार सुनको सिक्री लुटेका थिए ।
बजारमा किनमेलका लागि आएको बेला सुनको सिक्री लुटिएको उनले बताइन् । अधिकारीले घाँटीमा लगाएको डेढ तोलाको सुनको सिक्री लुटेर भाग्न खोज्दा स्थानीयको सहयोगमा रायलाई प्रहरीले पक्राउ गरेको हो । पक्राउ परेका रायलाई इलाका प्रहरी कार्यालय धुलाबारीमा राखेर थप अनुसन्धान अघि बढाएको पाठकले जानकारी दिए ।
