झापामा माेटरसाइकल चाेरीमा संलग्न ६ जनालाई प्रहरीले पक्राउ गरेकाे छ । जिल्ला प्रहरी कार्यालय झापाका अनुसार पक्राउ पर्नेमा भद्रपुर नगरपालिका ७ का २१ वर्षीय प्रकाश सहनी, २४ वर्षीय प्रकाश दर्जी, २१ वर्षीय दिपक उराव, २२ वर्षीय दिपेश राजवंशी, भद्रपुर नगरपालिका १ का ३० वर्षीय बिर्ख लिम्बु र भारत किसनगंजका १९ वर्षीय महम्मद समिम रहेका छन् ।
जिल्लाका बिभिन्न स्थानहरुबाट मोटरसाईकल चोरीको घटना बढेपछि र बारी धनीबाट लिखित निबेदन परेसंगै चोरी गर्ने व्यक्तिहरुको सुक्ष्म पहिचान र निगरानी गर्ने क्रममा प्रकाश सहनीले मोटरसाईकल चोरी गरी बिक्री बितरण गर्ने गरेको भन्ने गोप्य सूचनाको आधारमा निजलाई पक्राउ गरेपछि उनकै बयानका आधारमा चोरीमा संग्लग्न अन्य ५ जनालाई समेत पक्राउ गरिएको कार्यालयले जनाएकाे छ ।
पक्राउ परेका उनिहरूकाे साथबाट बिभिन्न समय र स्थानबाट चोरी गरेका ७ थान मोटरसाईकल समेत बरामद भएको कार्यालयले बताएकाे छ । घटना सम्बन्धमा अन्य थप अनुसन्धान भईरहेको उक्त कार्यालयले जनाएको छ ।
