मोरङको सुनवर्षी नगरपालिका ८ स्थितबाट खैरो हिरोईन सहित १ जनालाई प्रहरीले पक्राउ गरेको छ ।
पक्राउ पर्नेमा मोरङको सुनवर्षी १ का २३ बर्षीय बिनोद तामाङ रहेकाे इलाका प्रहरी कार्यालयले जनाएकाे छ ।
कार्यालयका अनुसार हिजो राती पौने ७ बजे प्रहरी चौकी सिक्टीबाट खटिएको गस्ति टोलीले पैदल यात्री तामाङलाई शंकालागि चेक जाँच गर्दा निजले प्लास्टिकमा पोको पारी शरिरमा लुकाई राखेको १ ग्राम ७४० मिलिग्राम खैरो हिरोईन बरामद भएको हो ।
प्रतिवन्धित लागुऔषध खैरो हिरोईन सहित पक्राउ परेका तामाङको थप अनुसन्धान भईरहेको उक्त कार्यालयले जनाउकाे छ ।
