धरान : इलाका प्रहरी कार्यालय धरानले चोरी गरेको आरेपमा दुई महिलाहरुलाई पक्राउ गरेको छ ।
पक्राउ पर्नेमा इटहरी -१७ बस्ने ३६ वर्षीया नाजुमा खातुन र ३२ वर्षिया गिता खातुन रहेको धरान प्रहरीले जनाएको छ ।
धरान -३ माछाभौडीबाट वृद्ध इन्द्रमाया थापाको झोला चोरी गरेर भागेका दुई महिलाहरु शान्तिपथबाट पक्राउ परेका हुन्।
इन्द्रमायाका छोरा रबिन्द्रले दिएको उजुरीको आधारमा २२ गते प्रहरीले महिलाहरुलाई नियन्त्रणमा लिएको थियो ।
प्रहरीले दिएको जानकारी अनुसार चोरी भएको झोलामा नगद १ हजार रुपैयाँ र १ थान सुन जस्तो देखिने पहेलो धातु फेला परेको हो ।
पक्राउ परेका दुबै महिलाहरुलाई चोरी मुद्यामा म्याद थप गरी अन्य अनुसन्धान कार्य गरिरहेको प्रहरीको भनाई छ ।
पक्राउ परेका महिलाहरुको कुनै पनि परिचय पत्र नभएकाले उनीहरुले प्रहरीलाई आफ्नो नाम सहि नबताएको हुन सक्ने प्रहरीले जनाएको छ ।
मुसलिस समूदायका महिलाहरु इटहरीबाट धरान आफन्तकोमा आउँदा वृद्धको झोला चोरी गरेको बुझिएको छ ।
