मारवाडी युवा मञ्च धरानकोे अध्यक्षमा दिनेश कुमार अग्रवाल निर्वाचित भएका छन्।
शनिवार सोही मञ्चको तेस्रो साधारण सभामा उनी निर्विरोध अध्यक्ष पदमा निर्वाचित भएका हुन्। उनको कार्यकाल अवधि दुई बर्षको हुने छ ।
मञ्चमा अन्य उपाध्यक्ष , सचिव, कोषाध्यक्ष र सदस्य पदका व्यक्ति चयन हुन बाँकी रहेको मञ्चले जनाएको छ । यस अघि मञ्चको अध्यक्ष सुमन गोयल रहेका थिए ।
अध्यक्ष अग्रवालले भने 'जिम्मेवारी पाउनु ठुलो कुरा हैन् पाएको जिम्मेवारी अनुसार मारवाडी युवाहरुलाई सामाजीक कार्यमा सक्रिय र चक्रिय पार्दे धरान क्षेत्रमा सामाजिक कार्य गरेर अगाडी बढ्छु । '
अग्रवाल रिद्धि सिद्धि इन्टरप्राइजेजका संचालक रहेका छन् भने उनी हाडवेर्यर संघको सचिव पनि हुन्। यस्तै , राउण्ड टेबल धरान २६ का प्रोजेक्ट हेड कन्मेनर समेत रहेका अग्रवाल लाइन्स क्लब अफ गौतम बुद्धका पहिलो भाइस प्रेसिडेन्ड पनि हुन्।
