इटहरी उपमहानगरपालिकाको नगरस्तरीय योजनाअन्तर्गत १० लाख रुपैयाँ र जनसहभागिताबाट कबर्डहल निर्माण सुरु भएको छ ।
वडा नम्बर १२ खनारमा नगर प्रमुख द्वारिकलाल चौधरीले कबर्डहलको शिलान्यास गरे ।
रिलायन्स स्पिनिङ मिल्स उत्तरपट्टिको २ कट्ठा सार्वजनिक जग्गामा कबर्डहल निर्माण सुरु गरिएको वडा सचिव प्रेम रिजालले जानकारी दिए ।
बहुउदेश्यीय भवनमा ब्याडमिन्टन, टेबलटेनिस र भलिबल खेल्न सकिने छ ।
कबर्डहल बनेपछि खनार क्षेत्रका खेलाडीलाई खेलको अभ्यास गर्न तथा इनडोर प्रतियोगिता आयोजना गर्न सहज हुने वडाध्यक्ष हेमानन्द दाहालले बताए ।
