धरान । ‘वाईवाई नेपाल स्टार’को उपविजेता बनेका धरानका गायक सन्देश बम्जन लामाले आफुलाई सहयोग गर्नेहरुलाई धन्यवाद ज्ञापन गरेका छन् ।
बुधबार धरानमा पत्रकार सम्मेलन गरी सन्देश र उनको परिवारले भोट दिने र सहयोग गर्नेहरुलाई धन्यवाद दिएका हुन् । धरानको बराह किचनमा आयोजीत पत्रकार सम्मेलनमा बोल्दै गायक सन्देशले भने, ‘लकडाउनले जीवन ठप्प भएका जस्तो लागेको थियो । त्यहि बेला वाईवाई नेपाल स्टारमा सहभागी हुन पाएँ । अब सङ्गीतमै केही गर्न जिम्मेवारी थपिएको महशुस गरेको छु ।’
उनले आफु युरेका स्कुलमा कक्षा ६ मा पढ्दादेखि औपचारिक रुपमा गाउन थालेको स्मरण गर्दै भने, ‘त्यसबेला कक्षामा प्रथम भएर कलम पाएपछि म गाउन सक्ने रहेछु भन्ने आत्मविश्वास बढ्यो । आजसम्मको मेरो यात्रा त्यहिंबाट सुरु भएको हो ।’
कार्यक्रममा बराह ग्रुपका अध्यक्ष तथा गायक शिव लामीछानेले पनि सन्देशलाई धरानको चिनारी विश्वसम्म पु¥याउन सहयोग गरेकोमा बधाई दिंदै भविष्यमा व्यवसायिक गायन यात्राको कामना गरे । उनले भने, ‘सन्देशमा क्वालिटी छ । कार्यक्रममा जीतहार जेभएपनि उनले दर्शक÷स्रोताको मन जीतेका छन् ।’ सन्देश बम्जन लामा जीताऔं अभियानका मुल समिति संयोजक रमेश राईले सन्देशले गायन मार्फत धरानको गौरव बढाएको बताए ।
त्यसैगरी सुनसरी बास्केटबल संघका अध्यक्ष नारायण सुवेदीले आगामी दिनमा सफलताको कामना गर्दै बधाई ज्ञापन गरे । भने सन्देशका बुवा पशुपति र आमा आशाले पनि सहयोग गर्नेहरुलाई धन्यवाद ज्ञापन गरे ।
