धरान । ‘वाईवाई नेपाल स्टार’को फाइनलमा पुगेका धरानका प्रतिष्पर्धी सन्देश बमजन लामालाई गृहनगर धरानमा भव्य स्वागत गरिएको छ ।
आज आइतबार धरानको तीनकुनेदेखि धरान बजार, भानुचोक हुँदै भानुस्मृतिपथ स्थित उनको घरसम्म सन्देशको स्वागतमा शुभचिन्तकहरुले ¥याली समेत प्रदर्शन गरे । धरानका स्थानीय युवाहरुले तीनकुनेबाट खादा र अबिर लगाएर मोटरसाईकल ¥याली सहित उनलाई घरसम्म पु¥याए ।
हिजो शनिबार राती नेपाल टेलिभिजनबाट प्रशारण भएको नेपाल स्टारको कार्यक्रमबाट सन्देश फाइनल प्रतिष्पर्धामा पुगेको घोषणा भएको थियो । त्यसपछि आज विहान उनलाई धरानको सिटी कलेजले सम्मान गरेको थियो । आज ¥याली सहित सन्देश घर पुगेपछि उनका छिमेकीहरुले पनि भव्य स्वागत गरेका छन् । सन्देशका बुवा पशुपति तामाङ र आमा आशा तामाङले सन्देशलाई फाइनलसम्म पु¥याउन भोट दिने र सन्देशको जीतको कामना गर्ने सबैलाई धन्यवाद दिए ।
आज दिउँसो सन्देशको फाइनल यात्राबारे धरानमा पत्रकार सम्मेलन आयोजना हुँदैछ । आजै साँझ बगरकोट स्थित भाइब्स लाउन्ज एन्ड बारमा सन्देशको स्वागत तथा प्रस्तुती हुनेछ भने भोलि सोमबार धरानको बावु लाउन्ज एन्ड बारमा कार्यक्रम हुँदैछ ।
त्यस्तै मङ्गलबार धरानको भानुचोकमा सन्देशको भव्य सांगीतिक कार्यक्रम आयोजना हुने ‘सन्देश बम्जन लामा जीताऔं अभियान’का संयोजक प्रेम क्षेत्रीले जानकारी दिए । उनी बुधबार फाइनलका लागि काठमाडौं फर्किंदैछन् ।
