इनरुवा । इनरुवाका सविन नेपालले ‘मेरो दिलको’ बोलको म्यूजिक भिडियो बजारमा ल्याएका छन् ।
सांगीतिक क्षेत्रमा पहिचान बनाउन संघर्षरत नेपाल आफ्नो पहिलो म्यूजिक भिडियो लिएर दर्शक माझ आएका हुन् । उक्त म्यूजिक भिडियोमा सविनसँगै दीक्षा सिवाकोटी समेतको अभिनय रहेको छ ।
हाइलाइट्स नेपालले बजारमा ल्याएको म्यूजिक भिडियोलाई रमेश घतानीले निर्माण गरेका हुन् । सिद्धान्त खड्काको स्वर रहेको म्यूजिक भिडियो कोशी भिजन इटहरीले तयार पारेको हो ।
अमर श्रेष्ठको शब्द र संगीत रहेको उक्त म्यूजिक भिडियोलाई सुजन तामाङले निर्देशन गरेका छन् । श्याम गिरीको छायांकन रहेको म्यूजिक भिडियो यूट्यूब मार्फत सार्वजनिक गरिएको छ । भिडियोमा स्थानीय क्षेत्रका रमणीय दृष्यहरु समावेश गरिएको देख्न सकिन्छ ।
