धरान । मिस पुर्वाञ्चल फस्टरनरअप तथा मिस ग्रान्ड नेपालकी पनि फस्टरनरअप विजेता धरानकी ईक्सा मादेन पछिल्लाे समय म्युजिक भिडियाेमा अभिनय गरिरहेकी छिन्।
ईक्सा अभिनित नयाँ म्युजिक भिडियो हालै सार्वजनिक भएको छ । गायक ब्रबिन सेर्मा र गायिका सीता सिङ्घकले गाएको ‘ज्यानै हाजिर भो’ गीतको म्यूजिक भिडीयोमा ईक्साले अभिनय गरेकी हुन् । भिडियोमा ईक्सासँगै गायक सेर्मा र पुष्पा लिम्बुले अभिनय गरेका छन् ।
पाँचथरमा छायाँकन भएकाे भिडियाेमा लिम्बु सांस्कृतिक परिवेश देख्न सकिन्छ । भिडियाेमा माेडल ईक्सा तथा गायक तथा माेडल ब्रबिम लिम्बु पहिरनमा देखिन्छन्। गीतकाे शब्द संगीतले पनि लिम्बु सांस्कृतिक माैलिकता प्रस्तुत गरेकाे छ । कवि राजन मुकारुङको शब्द/संगीत रहेको गीतको भिडियो किरण चाम्लिङले निर्देशन र भुपेन्द्र तुम्बाहाङ्फेले छायाँकन गरेका हुन् ।
